जय जोहार…. छत्तीसगढ़ म लाख के खेती ल अब कृषि के दर्जा मिलही। सीएम भूपेश बघेल ह लाख के खेती ल फायदेमंद बनाय के उद्देश्य ले वन विभाग के तरफ ले प्रस्तुत प्रस्ताव ल उपयुक्त मानत हुये अपन सहमति प्रदान कर दे हे। मुख्यमंत्री ह कृषि, वन अऊ सहकारिता विभाग ल समन्वय कर लाख अऊ एखर जइसे अन्य लाभकारी उपज ल कृषि म शामिल करे के प्रस्ताव ल मन्त्रिमण्डल के अवइया बइठक म रखे के निर्देश दे हे। प्रदेश म लाख के खेती ल कृषि के दर्जा मिले ले लाख उत्पादन ले जुड़े किसान मन ल घलो सहकारी समिति ले आन कृषक जइसन सहजता ले ऋण उपलब्ध हो सकही।
उल्लेखनीय हे कि छत्तीसगढ़ म लाख के खेती के बड़ अकन संभावना हे। इहां के कृषक मन के तरफ ले कुसुम, पलाश अऊ बेर के वृक्ष म परंपरागत लाख के खेती करे जात हे। लेकिन व्यवस्थित अऊ आधुनिक तरीके ले लाख के खेती ह न होय सेति कृषक मन ल लागत के एवज म अपेक्षित लाभ ह नई मिल पावत हे। वन विभाग ह लाख के खेती ल लाभकारी बनाय के उद्देश्य ले एला कृषि के दर्जा देने के सुझाव देत हुये मुख्यमंत्री ल प्रेषित प्रस्ताव ल मान्य करे जाय के आग्रह करे रहिस।
No Comment! Be the first one.