बस्तर लोकसभा सीट ले 7 उम्मीदवार लड़ही चुनाव

निर्वाचन अधिकारी ह सबो ले चुनाव चिन्ह करिस आबंटित
रायपुर. बस्तर लोकसभा सीट बर नाम वापसी के समय-सीमा 28 मार्च के समाप्त हो गिस. निर्धारित बेरा म कोनो भी उम्मीदवार ह नाम निर्देशन पत्र वापिस नई लिस. नाम वापसी के बेरा खत्म होय के बाद 7 उम्मीदवार चुनाव मइदान म शेष हे. कलेक्टर अउ जिला निर्वाचन अधिकारी डॉ. अय्याज तम्बोली ह सबो सात अभ्यर्थी मन ल चुनाव प्रतीक चिन्ह मन ल आबंटन कर देय गिस.

जिला निर्वाचन अधिकारी ह उम्मीदवार मन के जारी सूची म आयतू राम मंडावी, बहुजन समाज पार्टी ल चुनाव प्रतीक चिन्ह ’हाथी, दीपक बैज, इंडियन नेशनल कांग्रेस ल ’हाथ, बैदूराम कश्यप, भारतीय जनता पार्टी ल ’कमल, रामू राम मौर्य, कम्युनिस्ट पार्टी ऑफ इंडिया ल ’बाल और हसिया, मनीष प्रसाद नाग अंबेडकर राईट पार्टी ऑफ इंडिया ल ’कोट, मंगलाराम कर्मा, अखिल भारत समग्र क्रांति पार्टी ल ’करनी’ अउ सुरेश उर्फ सरगीम कवासी, शिवसेना ल ’तीर कमान प्रतीक चिन्ह आबंटित करे गिस हे.