दुबई ले लहुटे कांग्रेस नेता रमेश वर्ल्यानी समेत 70 यात्री मन ल दिल्ली एयरपोर्ट म कोरोना जांच ले गुजरे बर पड़िस, लक्षण नई मिले म रायपुर लहुटे सबो यात्री

जय जोहार रायपुर। विदेश दौरा ले लहुटे भारतीय मन के एयरपोर्ट म जांच करे जात हे कि ओ मन म कोरोना वायरस के लक्षण त नई हे। छत्तीसगढ़ ले वरिष्ठ कांग्रेस नेता रमेश वर्ल्यानी घलो अपन 70 करीबी मन के संग बीते दिनो दुबई के यात्रा ले लहुटे हे। दिल्ली एयरपोर्ट म उतरत ही सबो यात्री मन के स्क्रीनिंग करे गिस अऊ सेल्फ डिक्लरेशन फार्म भरवाए गिस। लक्षण नई पाए जाना के बाद ही ओखर रायपुर वापसी होइस।

ए दौरान सबो यात्री मन के ट्रैवल हिस्ट्री घलो छत्तीसगढ़ भेज दे गिस। रायपुर एयरपोर्ट म यात्री मन के कोनो परीक्षण नई करे गिस। एहतियात के तौर म स्वास्थ्य महकमा ह सबो यात्री मन के घर जाके कोरोना वायरस के लक्षण के जांच करिस। बतवात जात हे कि कोनो यात्री म कोरोना के प्रारंभिक लक्षण नई पाए गे हे। सबो यात्री मन ल 14 दिन तक एहतियात बरते के संग जरूरी उपाय किए जाना के नसीहत दे गे हे।