Corona: प्रदेश म बीते 24 घंटा म सामने आय हे कोरोना के 704 नवा मरीज, 10 लोगन मन के हो गे मौत

जय जोहार…. राज्य म सनिच्चर के देर रात फेर कोरोना (corona) के 136 नवा मरीज के पहचान होय हे। उहचे एक अउ मरीज के इलाज के दौरान मौत हो गे हे।

देर रात मिले कोरोना (corona) के 136 नवा मरीज मन म रायपुर ले 70, कोरिया ले 22, कोरबा ले 15, जांजगीर-चांपा ले 11, बलौदाबाजार ले 6, रायगढ़ अउ कांकेर ले 4-4, राजनांदगांव ले 2, बालोद अउ धमतरी ले 1-1 मरीज शामिल हे। एखर संग सनिच्चर के कोरोना के कुल 704 नवा मरीज मिले हे।

बात देन कि प्रदेश म कोरोना (corona) संक्रमित मरीज मन के संख्या ह बाढ़ के 20214 हो गे हे। जेमा ले 7630 एक्टिव मामला हे। उहचे 12394 मरीज मन ह कोरोना ले जंग जीत गे हे,

जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 190 लोगन मन के मौत हो गे हे।