छुड़ाए गिस यूपी के हाथरस म बंधक बनाएगे 71 मजदूर

रायपुर: जिला के आरंग क्षेत्र के गांव चोरभट्ठी के मजदूर ल बंधक बने के मामला आघू आइस. आरंग पुलिस अउ रायपुर पुलिस टीम ह बंधक बने लोगन ल छुड़वा के सकुसल वापस लाए हे.

मामला उत्तर प्रदेश के हाथरस जिला के हवय, जिहां 71 लोगन ल बंधक बनाय गे रहिस हे., जेमा महिला अउ पुरुष दूनों रहिन हे. सबो ल वापस उंखरघर पहुंचाय गिस. ए मजदूर ल सकुसल घर पहुंचाए बर आरंग के पूर्व विधायक नवीन मार्केंडेय ह खास तउर म कोसिस करिन.

बता देन के ए मजदूर मन ल ईंट भट्टी म काम कराए बर बंधक बनाए गे रहिस हे. एंखर सकुसल वापसी के बाद लोगन म खुसी देखे ल मिलिस अउ लोगन मन मिठाई बांटके खुसियां मनाइस.