chhattisgarh म 24 घंटा म मिले हे कोरोना के 73 नवा मरीज

जय जोहार। (chhattisgarh) प्रदेस म कोरोना संक्रमित के संख्या ह सरलग बढ़त जावत हे । प्रदेस म बीते 24 घंटा म कोरोना के 73 नवा मामला मिले हे । जबकि 7 मरीज ल ठीक होए के बाद ओमन ल डिस्चार्ज कर दे गेहे। उहें इलाज के दउरान 1 मरीज के मउत हो गेहे ।

प्रदेस म आज कोरोना के जेन नवा मरीज मिले हे, ओमा दुर्ग ले 6, राजनांदगांव ले 2, बेमेतरा ले 2, कबीरधाम ले 1, रायपुर ले 40, धमतरी ले 1, बलौदाबाजार ले 2 , महासमुंद ले 2, बिलासपुर ले 7, गौरेला पेंड्रा मरवाही ले 7, जशपुर ले 1, बस्तर ले 1, दंतेवाड़ा से 1 मरीज सामिल हे।

बता देन कि प्रदेस म कोरोना मरीज के कुल संख्या 11 लाख 78 हजार 277 हो गेहे। जेमा ले 388 एक्टिव मामला हे । जबकि 11 लाख 63 हजार 740 मरीज ह कोरोना ले जंग जीत गेहे, जेखर बाद ओमन ल अस्पताल ले छुट्टी दे दे गेहे । उहें ए वायरस ले राज्य म अब तक 14149 मरीज के मउत हो गेहे।