Corona: धमतरी जिला के नगरी क्षेत्र म मिले हे आठ कोरोना पाजिटिव

जय जोहार…. धमतरी जिला में कोरोना (Corona) संक्रमित मन के संख्या ह कम होय के नाम नई लेवत हे। आज जिला के नगरी क्षेत्र म कोरोना के आठ नवा संक्रमित मन के पहचान होय हे।

मिले जानकारी के मुताबिक आज जेन नवा मरीज मिले हे, ओमा ग्राम बेलर के वार्ड क्रमांक चार के रहवइया पंचायत सचिव अऊ सांकरा के रहवइया पंचायत सचिव ह कोरोना (Corona) संक्रमित मिले हे। एखर आलावा नगरी के वार्ड-10 ले एक महिला अऊ एक युवती कोरोना पाजिटिव पाय गे हे।

उहचे वार्ड क्रमांक 2 ले एक महिला अऊ ओखर लईका ह घलो कोरोना (Corona) संक्रमित मिले हे। एखर संगेसंग आमगांव ले एक युवक अऊ एक महिला पाजिटिव मिले हे।