8 लाख के इनामी नक्सली कमांडर मुईबा गिरफ्तार, राइफल, गोलियां अउ लाखों रूपिया बरामद

रायपुर। एसआईबी, एसटीएफ,जिला पुलिस बल के संयुक्त टीम ह 27 जून के 8 लाख के इनामी नक्सली ल गिरफ्तार करे म बड़ी सफलता हासिल करे हे। नक्सल डीआईजी पी. सुंदरराज ह प्रेस कांफ्रेंस कर बतईस हे कि 8 लाख के इनामी नक्सली सीतानदी एरिया कमेटी के सचिव मुइया उर्फ गगन्ना उर्फ डोकरा ल पुलिस ह गिरफ्तार करे हे।

गिरफ्तारी के बाद गरियाबंद पुलिस ह मुईबा ल रिमांड म लेके पूछताछ करिस, जेमा मुईबा ह नक्सली मन के कई अहम राज ल पुलिस ल बता दिस। अब डीवीसी कमांडर मुईबा के निशानदेही म गरियाबंद पुलिस ह एक एके-47 रायफल, 28 राउंड गोली, तीन मैग्जीन अउ 2 लाख 47 हजार रूपिया नगदी बरामद करे हे। मुईबा के गिरफ्तारी ल लेके  डीजीपी डीएम अवस्थी ह एसआईबी एसपी गायत्री सिंह के तारीफ करिन हे।