जय जोहार…. धमतरी जिला म कोरोना (corona) संक्रमित मरीज मन के संख्या ह सरलघा बाढ़त जावत हे। ए जिला म पिछिले 24 घंटा म कोरोना के 80 नवा मरीज मिले हे। उहचे 106 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान तीन मरीज मन के मौत हो गे हे।
जिला स्वास्थ्य समिति धमतरी ले जारी आंकड़ा के मुताबिक जेन कोरोना (corona) के 80 नवा मरीज मिले हे, ओमा कुरुद ब्लाक ले 35, धमतरी शहरी ले 22, गुजरा ले 13 अऊ नगरी ब्लाक ले 10 मरीज शामिल हे।
बता दन कि धमतरी जिला म कोरोना (corona) संक्रमित मरीज मन के संख्या ह बाढ़ के 2008 पहुंच गे हे, जेमा ले 816 एक्टिव मामला हे। उहचे 1160 लोगन मन ह कोराना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले जिला म अब तक 31 लोगन मन के मौत हो गे हे।
No Comment! Be the first one.