Corona: छत्तीसगढ़ म फेर देर रात मिले हे कोरोना के अउ 85 नवा मरीज

जय जोहार…. छत्तीसगढ़ म कोरोना (corona) संक्रमित मन के संख्या ह कम होय के नाम नई लेवत हे। बुधवार देर रात के कोरोना के 85 नवा मरीज सामने आय हे। एखर पहिले 229 नवा मरीज मिले हे।

एखर संग प्रदेश म दिन भर म 314 नवा मरीज के पहचान होय हे। उहचे इलाज के दौरान 4 मरीज मन के मौत हो गे हे।

बुधवार देर रात जेन कोरोना (corona) के नवा मरीज मिले हे, ओमा रायपुर ले 37, राजनांदगांव ले 20, दुर्ग ले 9, जांजगीर-चांपा ले 7, बलौदाबाजार ले 4, कोरबा अउ सरगुजा ले 3-3, महासमुंद अउ बलरामपुर ले एक-एक मरीज शामिल हे।

बता देन कि प्रदेश म कोरोना (corona) संक्रमित मन के संख्या ह बाढ़ के 8600 पहुंच गे हे। जेमा ले 5634 लोगन मन ह कोरोना ल मात दे दे हे,

जेखर बाद ओ मन ल अस्पताल ले डिस्चार्ज कर दे गे हे। ए वायरस ले अब तक प्रदेश म 50 लोगन के मौत हो गे हे।