मुख्यमंत्री ह स्वातंत्र्यवीर विनायक दामोदर सावरकर के जयंती म ओमन ला करिन नमन
रायपुर. मुख्यमंत्री विष्णुदेव साय ह आज अपन निवास कार्यालय म महान क्रांतिकारी, प्रखर राष्ट्रवादी चिंतक अउ स्वतंत्रता संग्राम सेनानी विनायक दामोदर सावरकर के जयंती म ओमन ला फूल चढ़ाके (पुष्पांजलि अर्पित करके) श्रद्धापूर्वक नमन करिन।
ए बेरा म मुख्यमंत्री विष्णुदेव साय ह कहिन कि वीर सावरकर सिरिफ स्वतंत्रता संग्राम के सेनानी नई रहिन, भल्कुन राष्ट्रचेतना, साहस अउ सामाजिक जागरण के बड़े प्रतीक रहिन। ओमन मातृभूमि के आजादी अउ राष्ट्रीय स्वाभिमान बर अपन पूरा जिनगी संघर्ष अउ तपस्या म लगा दीन। कतनो कठिन परिस्थिति अउ पीरा सहे के बाद घलो ओखर राष्ट्रभक्ति ले भरे संकल्प कभू डगमगाइस नई।
मुख्यमंत्री ह कहिन कि वीर सावरकर ह समाज म बगरे छुआछूत अउ भेदभाव जइसन कुरीति मन के खिलाफ घलो आवाज उठाइन अउ सामाजिक समरसता संग राष्ट्रीय एकता ला मजबूत करे के लगातार प्रयास करिन। ओखर लेखनी, विचार अउ बूता आज घलो देशवासी मन ला राष्ट्रहित, आत्मगौरव अउ सामाजिक सद्भाव के प्रेरणा देथे।
मुख्यमंत्री ह कहिन कि वीर सावरकर अपन विचार मन ले आज घलो हमर युवा पीढ़ी ला राष्ट्र निर्माण के बूता बर प्रेरित करथें। हमन ला ओखर आदर्श रस्ता म आगू बढ़त हुए एक सशक्त, समृद्ध अउ आत्मनिर्भर भारत के निर्माण बर लगातार प्रयास करत रहना चाहिए।
ए बेरा में वित्तमंत्री ओपी चौधरी अउ छत्तीसगढ़ पर्यटन मंडल के अध्यक्ष नीलू शर्मा घलो मौजूद रहिन।
