छत्तीसगढ़ म एक दिन म मिलिस सबले जियादा कोरोना के 86 नवा मरीज

जय जोहार…. छत्तीसगढ़ म कोरोना पाजिटिव मरीज मन के संख्या ह सरलघा बाढ़त जात हे। पिछिले एक दिन म प्रदेश म सबले जियादा कोरोना संक्रमित 86 नवा मरीज के पहचान होय हे। एखर संग राज्य म कुल कोरोना के 678 केस सामने आ चुके हे। जबकि सक्रिय मरीज मन के संख्या ह 489 हो गे हे। ऊहचे 189 लोगन मन ह स्वस्थ होके अपन घर लहुट चुके हे।

देर रात 52 नवा कोरोना मरीज ह मिले हे, जेमा जांजगीर ले 20, महासमुंद ले 12, जशपुर ले 6, बलौदाबाजार ले 4, बालोद ले तीन, रायगढ़ ले 1, दुर्ग, राजनांदगांव, रायपुर ले 2-2 मरीज शामिल हे। बुधवार के शाम तक 34 नवा कोरोना संक्रमित पाय गे रहिस। जेमा बलौदाबाजार ले 22, कोरिया ले 8, एसएलआर लैब ले 2, बलरामपुर, कवर्धा, मुंगेली अऊ बिलासपुर ले एक-एक मरीज ह शामिल रहिस।