जय जोहार… (corona) प्रदेस म बीते 24 घंटा म कोरोना के 87 नवा मरीज सामने आय हे। उहें 394 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे। जबकि इलाज के दउरान 1 मरीज के मउत होगे हे।
प्रदेस म जेन कोरोना (corona) के नवा मरीज मिले हे, ओमा दुर्ग ले 8, राजनांदगांव ले 4, बालोद ले 1, बेमेतरा ले 3, कबीरधाम ले 5, रईपुर ले 10, धमतरी ले 9, बलौदाबाजार ले 1, बिलासपुर ले 4, रायगढ़ ले 1, कोरबा ले 7, मुंगेली ले 3, गौरेला-पेंड्रा-मरवाही ले 2, सरगुजा ले 3, कोरिया ले 5, सूरजपुर ले 7, बलरामपुर ले 5, जशपुर ले 2, बस्तर ले 2, कोंडागांव ले 1, कांकेर ले 3, बीजापुर ले 1 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 11 लाख 50 हजार 894 होगे हे, जेमा ले 1397 एक्टिव मामला हे। उहें 11 लाख 35 हजार 469 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 14028 मरीज के जान चले गेहे।
