corona : प्रदेस म आज सामने आय हे कोरोना के 88 नवा मरीज, रईपुर म घलो 31 संक्रमित

जय जोहार। (corona) प्रदेस म आज कोरोना के 88 नवा मरीज सामने आय हे। उहें 35 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे।

प्रदेस म जेन कोरोना (corona) के नवा मरीज मिले हे, ओमा दुर्ग ले 12, राजनांदगांव ले 1, बालोद ले 3, कबीरधाम ले 4, रईपुर ले 31, बलौदाबाजार ले 8, बिलासपुर ले 8, रायगढ़ ले 2, जांजगीर-चांपा ले 1, सरगुजा ले 2, कोरिया ले 6, सूरजपुर ले 2, जशपुर ले 3, बस्तर ले 1, कांकेर ले 4 सामिल हे।

बता देन कि प्रदेस म कोरोना (corona) संक्रमित मरीज मन के संख्या 11 लाख 53 हजार 225 होगे हे, जेमा ले 516 एक्टिव मामला हे। उहें 11 लाख 38 हजार 674 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 14035 मरीज के मउत हो गेहे।