जय जोहार….(Corona) छत्तीसगढ़ म पिछिले 24 घंटा म कोरोना के 887 नवा मामला सामने आय हे। उहचे 211 संक्रमित ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 6 संक्रमित के मौत हो गे हे।
पिछिले 24 घंटा म कोरोना (Corona) के जेन नवा मरीज मिले हे, ओमा रायपुर ले 287, दुर्ग ले 243, बिलासपुर ले 58, राजनांदगांव ले 46, सरगुजा ले 36, कोरिया ले 25, महासमुंद ले 21, बेमेतरा अऊ जशपुर ले 20-20, रायगढ़ ले 18, धमतरी अऊ बलौदाबाजार ले 17, जांजगीर-चांपा ले 16, सूरजपुर अऊ बालोद ले 10-10, बस्तर ले 9, गरियाबंद ले 8, कांकेर ले 6, कबीरधाम ले 4, कोरबा अऊ बलरामपुर ले 3-3, मुंगेली, कोंडागांव, दंतेवाड़ा अऊ नारायणपुर ले 2-2, बीजापुर ले 1 मरीज सामिल हे।
बता देन कि प्रदेश म कोरोना (Corona) संक्रमण के मामला ह 3 लाख 19 हजार 717 हो गे हे। जेमा ले 5209 एक्टिव मामला हे। उहचे 3 लाख 10 हजार 503 लोगन मन ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 3915 लोगन मन के मौत हो गे हे।
