Corona: छत्तीसगढ़ म फेर कोरोना के 89 नवा मरीज मन के होइस पुष्टि, 156 मरीज ह होइस डिस्चार्ज

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। शुक्रवार के प्रदेश म कोरोना के 89 नवा मरीज के पहचान होय हे।

ऊहचे प्रदेश के अलग-अलग कोविड अस्पताल म इलाज करवात 156 मरीज मन ह कोरोना ल मात दे दे हे। जेखर बाद ओ मन ल डिस्चार्ज कर दे गे हे। जबकि इलाज के दौरान एक अउ मरीज के मौत हो गे हे। आज जेन कोरोना (corona) के 89 नवा मरीज मिले हे, ओमा जशपुर ले 39, दुर्ग अउ रायपुर ले 14-14, रायगढ़ अउ राजनांदगांव ले 5-5, बलौदाबाजार अऊ बलरामपुर ले 4-4, कवर्धा ले तीन अउ सरगुजा ले एक मरीज शामिल हे।
बता देन कि प्रदेश म अब कोरोना (corona) ले संक्रमित कुल मरीज मन के संख्या ह 2545 हो गे हे। जबकि एक्टिव केस ह 647 हे।

ऊहचे 1845 मरीज मन ह स्वस्थ हो के अपन घर लहुट चुके हे। ए वायरस ले प्रदेश म अब तक 13 लोगन मन के मौत हो गे हे।