जय जोहार…. देश म कोरोना (Corona) संक्रमित मन के संख्या ह कम होय के नाम नई लेवत हे। बीते 24 घंटा म 90 हजार ले जादा कोरोना के नवा मामला ह सामने आय हे। उहचे 73 हजार मरीज मन ल बने होय के बाद अस्पताल ले डिस्चाज कर दे गे हे। जबकि 1044 लोगन मन के मौत हो गे हे।
केंद्रीय स्वास्थ्य मंत्रालय ले जारी आंकड़ा के मुताबिक देश म पिछले 24 घंटा म 90600 नवा मामला मिले हे। एखर संग कोरोना (Corona) संक्रमित मन के कुल संख्या ह बाढ़ के 41 लाख 10 हजार पहुंच गे हे। जेमा ले 8 लाख 61 हजार एक्टिव मामला हे।
उहचे 31 लाख 77 हजार लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 70679 लोगन मन के जान चले गे हे।
No Comment! Be the first one.