Corona: प्रदेश म आज मिले हे कोरोना के 9121 नवा मरीज, रायपुर म घलो 655 पाजिटिव
जय जोहार…. प्रदेश म आज कोरोना (Corona) के 9121 नवा मरीज के पहचान होय हे। उहचे 12274 मरीज ल बने होय के बाद अस्पताल ले छुट्टी दे दे गे हे। जबकि उपचार के दौरान 195 मरीज के जान चले गे हे।
कोरोना (Corona) के आज जेन नवा मरीज मिले हे, ओमा रायगढ़ ले 721, रायपुर ले 655, बलौदाबाजार ले 622, जांजगीर-चांपा ले 583, सूरजपुर ले 535, सरगुजा ले 472, कोरबा ले 462, मुंगली ले 445, बलरामपुर ले 426, बिलासपुर ले 433, जशपुर ले 394, कोरिया ले 383, महासमुंद ले 296, कांकेर ले 295, दुर्ग ले 278, बस्तर ले 267, राजनांदगांव ले 252, गरियाबंद ले 251, बालोद ले 250, गौरेला-पेंड्रा-मरवाही ले 230, कबीरधाम ले 220, धमतरी ले 196, बेमेतरा ले 144, कोंडागांव ले 100, दंतेवाड़ा ले 69, सुकमा ले 59, बीजापुर ले 49, नारायणपुर ले 31 नवा मरीज सामिल हे।
बता देन कि प्रदेश म कोरोना (Corona) संक्रमण के मामला ह बाढ़ के 8 लाख 92 हजार 331 हो गे हे। जेमा ले 1 लाख 19 हजार 450 एक्टिव मामला हे। उहचे 7 लाख 61 हजार 592 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस से प्रदेश म अब तक 11289 मरीज के मौत हो गे हे।
