corona :देश म बीते 24 घंटा म मिले हे कोरोना के 92 हजार ले जादा नवा मामला, पढ़व

जय जोहार…. देश म बीते 24 घंटा म कोरोना (Corona) के 92 हजार ले जादा नवा मरीज के पहचान होय हे। उहचे 1 लाख 62 हजार 664 मरीज ल बने होय के बाद अस्पताल ले छुट्टी दे दे गे हे। जबकि उपचार के दौरान 2219 मरीज के जान चले गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछले 24 घंटा म कोरोना (Corona) के 92 हजार 596 नवा मरीज मिले हे। एला मिला के देश म कोरोना संक्रमित मन के संख्या ह 2 करोड़ 90 लाख 89 हजार 069 हो गे हे। जेमा ले 12 लाख 31 हजार 415 एक्टिव मामला हे।

उहचे 2 करोड़ 75 लाख 04 हजार 126 मरीज ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 3 लाख 53 हजार 528 संक्रमित के मौत हो गे हे।