Corona: प्रदेश म बीते 24 घंटा म मिले हे कोरोना के 932 नवा मामला, राजधानी म घलो 156 पाजिटिव
जय जोहार…. प्रदेश म पिछिले 24 घंटा म कोरोना (corona) के 932 नवा मरीज के पुष्टि होय हे। उहचे 850 संक्रमित मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 3 मरीज के मौत हो गे हे।
प्रदेश शुक्रवार के कोरोना (corona) के जेन नवा मरीज के पहचान होय हे, ओमा रायपुर ले 156, दुर्ग ले 132, राजनांदगांव ले 95, जांजगीर-चांपा ले 89, बालोद ले 57, बिलासपुर ले 55, रायगढ़ ले 54, धमतरी ले 37, कोरबा ले 34, सूरजपुर अऊ बलौदाबाजार ले 30-30, सरगुजा ले 27, महासमुंद ले 25, बेमेतरा ले 20, कबीरधाम ले 19, जशपुर ले 14 मरीज शामिल हे।
बता देन कि प्रदेश म कोरोना (corona) संक्रमण के मामला ह बाढ़ के 2 लाख 80 हजार 507 हो गे हे। जेमा ले 11 हजार 344 एक्टिव मामला हे। उहचे 2 लाख 65 हजार 788 लोगन मन ल बने होय के बाद अस्पताल ले छुट्टी दे दे गे हे। ए वायरस ले प्रदेश म अब तक 3375 संक्रमित मन के मौत हो गे हे।
