corona के कहर, देश म बीते 24 घंटा म बाढ़ गे 96 हजार ले जादा नवा मरीज

जय जोहार…. देश म कोरोना (corona) संक्रमित मरीज मन के संख्या ह सरलघा बाढ़त जावत हे। पिछिले 24 घंटा म कोरोना के 96 हजार ले जादा नवा मामला दर्ज करे गे हे। उहचे 70880 लोगन मन ल बने होय के बाद अस्पताल ले डिस्चार्ज कर दे गे हे। जबकि 1209 लोगन मन के मौत हो गे हे।

केन्द्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) के 96551 नवा मरीज मिले हे। एला मिला के कोरोना के कुल संक्रमित मन के संख्या ह 45 लाख 62 हजार 415 पहुंच गे हे। जेमा ले 9 लाख 43 हजार 480 एक्टिव मामला हे।

उहचे 35 लाख 42 हजार 664 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 76271 लोगन मन के मौत हो गे हे।