राशन दुकान संचालित करया समिति ल हटाए बर किहिस हे डॉ रमन ह

बेमेतरा । मुख्यमंत्री डॉ. रमन सिंह लोक सुराज अभियान म सोमवार के बेमेतरा जिला के तेंदुभाठा ग्राम पंचायत (साजा) के समाधान शिविर म पंहुचिस हे । गांव वाले के समस्याएं सुनकर उखंर समाधान करे बर अधिकारी मन ल निर्देश दिस। मुख्यमंत्री ह तेन्दुभांठा म 2 सीमेंट कांक्रीट सड़क निरमान बर 10 लाख के स्वीकृति। ग्राम काचरी म सीसी रोड निर्माण बर 10 लाख के मंजूरी। तेन्दुभांठा म तालाब गहरीकरण अउ पीचिंग बर 15 लाख रुपिया मंजूर करिस हे। मई माह के अंत तक बेमेतरा जिला के सबो मजरा, टोला अउ गांव के विद्युतीकरण हो जाही। तेन्दुभांठा क्लस्टर म प्रधानमंत्री आवास एवं शौचालय निर्माण के भुगतान एक महीना म करे जाही।
सीएम के पहुंचे म लोगन मन उँखर अभिवादन जय जोहार ले करिस हे। अउ ये दउरान राशन नइ मिले के शिकायत म राशन दुकान संचालित करय्या समिति ल हटाए के दूसर समिति ल काम दे बर अधिकारी मन ल निर्देश करिस हे। एखर बाद सीएम तेन्दुभांठा के वार्ड क्रमांक 1 म प्रधानमंत्री आवास योजना म बनत रोहिणी बाई के निरमित मकान ल देखिस। आवास मिले म रोहिणीबाई अउ उंखर परिवार के लोगन नम ह मुख्यमंत्री ल आभार जताइस। लोगन नम ले बात करे के बाद सीएम ह अफसर नव ले विकास कारय के जानकारी लीस। रास्ता म उमन ह गांव के तालाब के अवलोकन करिस हे।