लॉ यूनिवर्सिटी के कुलपति ले इस्तीफा के मांग लेके धरना म बइठ गेहे छात्र मन

रायपुर। हिदायतुल्ला नेशनल लॉ यूनिवर्सिटी के कुलपति ले इस्तीफेा के मांग लेके छात्र मन धरना म बइठ गेहे। छात्र मन सड़क म ही धरना देवत बइठ गिस। इमन ह कुलपति सुखपाल सिंह ले इस्तीफा के मांग करिन हे। उमन कुलपति सिंह उपर करोड़ो रुपिया के भ्रष्टाचार के आरोप लगाइस हे । स्टूडेंट बार काउंसिल ह कुलपति उपर छात्रा मन के सोसन करइया प्रोफेसर ल संरक्छन देय के आरोप लगाइस हे। संगे संग कुलपति उपर ऑडिट रिपोर्ट दबाय के घलो आरोप लगाइस।
बतादन के कुलपति सुखपाल सिंह के नियुक्ति ल हाईकोर्ट ह गलत बताय रहिस हे, जेकर बाद म यूनिवर्सिटी म प्रभारी कुलपति के नियुक्ति करे गिस। लेकिन सुखपाल सिंह सुप्रीम कोर्ट ले स्टे ले आइस। उहें इही माह के सुरुआत म यूनिवर्सिटी के छात्र मन लाइब्रेरी 24 घंटा खुले रखे अउ अन्य मांग मन ल लेके आंदोलन करे रहिस हे। आखिर म उंखर मांग मान ले गिस।