6 अक्टूबर ले कोरबा-रायपुर के बीच नियमित नवा ट्रेन

रायपुर। एक बार फेर प्रदेसवासी मन ल कोरबा-रायपुर के बीच नवा ट्रेन के सउगात मिलइया हे । 6 अक्टूबर के हसदेव एक्सप्रेस नामक ये ट्रेन ल हरी झंडी दिखाय जाही । पाछु बेर लोकसभा चुनाव के पहिली ये ट्रेन के घोसना करे गे रहिस हे।
जेखर बाद स्पेसल ट्रेन के रुप म येला चलाय गे रहिस हे। लेकिन चुनाइ होय के ये ट्रेन ल बंद कर देय गिस। सुरुआत ले ही ये ट्रेन ल जबरदस्त रेस्पांस मिलिस। लेकिन बंद करे ले हजारों के संख्या म लोगन काफी परेसान होवत हे। लोगन के नाराजगी ल देखत हुये विधानसभा चुनाव के पहिली एक बार फेर ये ट्रेन स सुरु करे के फइसला करे गिस हे। ये ट्रेन बंद नइ होवय, ये दफा रेलवे ह ये बार नियमित ट्रेन के रुप म चलाय के फइसला करिस हे।