मोला सूली म चढ़ा देवव, फेर मैं भाजपा ल समरथन नई दव : जोगी

रायपुर। मीडिया म चुनाव के बाद जोगी कांग्रेस के भारतीय जनता पार्टी ल समर्थन देहे के आवत समाचार उपर सवाल के जवाब म जनता कांग्रेस छत्तीसगढ़ (जे) के माई पागा अजीत जोगी ह कहिन ये प्रायोजित षड्यंत्र ये. उमन प्रेस वार्ता म ए बात कहत रहिन, उमन कहिन के ये जानबूझ के भरम फैलाए जात हे। उमन धार्मिक किताब मन के किरिया खात कहिन के चाहव त मोला सूली म चढ़ा देवव, फेर मैं भाजपा ल समर्थन नई दंव। जोगी ह अपन प्रेसवार्ता म भागवत गीता, कुरआन, बाइबल, शदाणी प्रकट, बिर ग्रन्थ आघू रखके अपन बात कहिन। उमन कहिन के मैं ह कभू भाजपा ल समर्थन देहे बात नइ करे हंव। हमर बसपा-सीपीआई के संग गठबंधन हे, हम जीतबोन अउ गठबंधन सरकार बनाए के ताकत रखथन