भूपेश बघेल ह जनता के प्रति आभार जताइस….कहिन के कांग्रेस  ह जनता के हर मुद्दा ल अपन मुद्दा मानिस हे

फ़ेसबुक अउ ट्विटर म एक खुला पत्र जारी करिन

रायपुर। प्रदेस कांग्रेस कमेटी के अध्यक्छ भूपेश बघेल ह बुधवार के सोसल मीडिया म एक खुला पत्र जारी करिन। ए पत्र म भूपेश बघेल ह अपन अध्यक्छ बनने के बाद जनता के मुद्दा मन म होय  पारटी के आंदोलन मन अउ संघरस ल  याद करे हे। प्रदेस कांग्रेस अध्यक्छ बघेल ह जनता के प्रति आभार जतात हुए कहिन के कांग्रेस  ह जनता के हर मुद्दा ल अपन मुद्दा मानिस हे।

फ़ेसबुक अउ ट्विटर म जारी पत्र म उमन कहिन के  देस म पहिली बार कांग्रेस ह बूथ के अनुभाग के स्तर तक जाक संगठन खड़ा करिस अउ प्रशिक्छन के ज़रिए अपन कारयकरता मन ल सरकार के खेलाफ लड़े बर  तइयार करिन। उमन  अपन पत्र म कहिन के , “मैं कांग्रेस के सबो कारयकरता मन के  आभारी हव, जेमन जनता के लड़ाई ल अपन लड़ाई बनाके सड़क मन म  संघरस करिन। गेरफ़्तारी दीस, मामला मुक़दमा झेलिस, लाठी खाइन अउ जेल तक गिन।” प्रदेस कांग्रेस अध्यक्क्छ भूपेश बघेल ह पीएल पुनिया समेत  सबो वरिस्ठ नेतामन के प्रति घलोक आभार जताइस।