कांग्रेस प्रत्यासी मनल नवा फरमान……. मिलइया मन के मोबाइल ल घर के बाहिर रखवाव

रायपुर । चुनाव परिनाम ले पहिली कांग्रेस पार्टी ह भयभीत अउ सहमे नजर आवत हे। रोजेच कोनो न कोनो अपन प्रत्यासी मन ल निरदस दय जात हे। खबर मिले हे के कांग्रेस प्रत्याशी मन ल पार्टी के ओर ले कड़ा निरदेस जारी करे गिस हे।  निरदेस के तहत प्रत्याशी मन ह अपन घर म मिले बर आवइया सबो लोगन  के मोबाइल बाहिर ही रखे बर कहे हे। ये निरदेस  कोनो तरह के रिकॉर्डिंग अउ फोन टैपिंग के घटना मन ले बचे बर जारी करे गिस हे।

जब ए  संबंध म  रायपुर दक्षिन प्रत्यासी कन्हैया अग्रवाल ले बात करे गिस त उमन कहिन के  ‘अभु तक उंखर तीर ए निरदेस नइ आय हे, लेकिन पार्टी हाईकमान ले ए तरह के बात कहे गेहे त ओखर  पालन करे जाही, ताकि काउंटिंग ले पहिली अउ बाद म कोनो तरह के गड़बड़ी ले बचा जा सकय।