ए वजह ले भिलाई स्टील प्लांट म  मच गेहे हड़कंप ……पढ़व पूरा खबर

भिलाई। भिलाई स्टील प्लांट हादसा  मामला म पुलिस ह सख्ती बरतत हुए कार्रवाई सुरू कर दीस हे। पुलिस ह अधिकारी-ठेकेदार समेत 27 लोगन ल गेरफ्तार  करिन हे। पुलिस के इस कार्रवाई ले बीएसपी म हड़कंप मचे हुए हे। 

बीएसपी म लगातार हादसा  होवत हवय।  प्लांट म इस  बथर म 4 अउ  पाछु साल एक बड़ा हादसा होए रहिन हे। पाछु  के दिन मन म प्लांट के  गैस पाइप लाइन फट जाय ले एक बड़ा हादसा होइस।  ए हादसा म 14 कर्मचारी मन के मउत हो गिस हे।  कर्मचारी बुरी तरह ले झुलस गिन।  कई कर्मचारी के शव ल पहिचाने बर डीएनए टेस्ट कराना पड़िस।

भिलाई स्टील प्लांट म लापरवाही के कारन होए हादसा मन ल लेके पुलिस अधिकारी अउ ठेकेदार मन नकेल कसच हवय।  लगातार गेरफ्तारी  करे जात हे।  ए साल अउ पाछू साल  म होय हादसा मामला म पुलिस  ह कुल 27 अधिकारी अउ ठेकेदार मन ले गेरफ्तारी करिस।

एखर पहिली घलो पुलिस ह इहीं साल होए एक हादसा म 14 कर्मचारी म के मउत मामला म तीन अधिकारी ल गेरफ्तारी करिस हे। हालांकि सबो ल थाना मन ले  मुचलके म छोड़ देय गिस । इही मामला म आज एक फरार अधिकारी ईडी पीके दास ल घलो गेरफ्तार करे गिस।

दुर्ग के एएसपी विजय पांडेय ह बताइस के  भिलाई स्टील प्लांट म हादसा मन के मामला म लापरवाही बरतइया  मन उपर कार्रवाई करे जात हे। आरोपी  उपर दर्ज जुर्म के आधार पर गेरफ्तारी के बाद आघू के कार्रवाई करे जाही । एमा प्लांट के जीएम अउ एजीएम स्तर के अधिकारी घलो  सामिल हे।