छत्तीसगढ़ म ओडिशा के धान खपाए के खेल जोरों म

देवभोग। ओडिशा के धान छत्तीसगढ़ म खपाए के खेल जोरों म चलत हे।  रोज बड़ी मात्रा म ओडिशा ले धान लाय जात हे। छत्तीसगढ़-ओडिशा सीमा म पुलिस ह नाकेबंदी करे हे। लेकिन तस्कर मन एएखर तोड़ घलो निकाल लिस हे।  छोटे-छोटे गांव मन ले पहुंच मारग  हे।  उहां  ले धान के परिवहन करे जात हे।

देवभोग पुलिस ह मंगलवार के अलसुबह ओडिशा कोती ले  धान लेके आवत  एक पिकअप ल पकड़िस। पिकअप म 60 बोरी धान भरे हुए रहिस हे। धान ल जब्त कर पुलिस  ह चालक  ल गेरफ्तार कर लिस।

देवभोग थाना के सब इंस्पेक्टर विवेक सेंगर  ह बताइस के ओडिशा ले धान लेके आवत  पिकअप ल ओडिशा सीमा पर लगे गांव केंदुबन्द के तीर पकड़े गिस।  चालक  ले धान परिवहन के वैध दस्तावेज के मांग कर गिस । चालक के तीर कोनो  कागजात नइ रहिस हे।  पुलिस ह वाहन के संग धान ल जब्त  कर लिस।  है।