छत्तीसगढ़ म सरकार बनाए बर कांग्रेस के नवां  विधायक मन के बइठक बुधवार के….. कोनो नए नेता ल बना सकत हे मुख्यमंत्री

रायपुर। छत्तीसगढ़ अउ राजस्थान म जीत दरज करइया कांग्रेस के नवां विधायक मन के बइठक बुधवार के होही। पार्टी के केन्द्रीय नेतृत्व के तरफ  ले कहे गेहे के  बुधवार के ये सबो विधायक रायपुर अउ जयपुर म मिलही। कांग्रेस ह चुनाव ले पहिली इन दूनों प्रदेस म अपन मुख्यमंत्री के उम्मीदवार के घोसनना  नइ करे हे।

बुधवार के नवां विधायक छत्तीसगढ़ म अपने नेता चुन सकत हे।  राजस्थान म सीएम के दउड़ म अशोक गहलोत अउ सचिन पायलट हे। जबकि छत्तीसगढ़ म कांग्रेस कोनो नवां नेता ल मुख्यमंत्री बना सकत हे।

ए दफा विधानसभा चुनाव के दउरान छत्तीसगढ़ म जबरदस्त उलटफेर देखे ल मिलिस हे। कांग्रेस ह सत्ताधारी बीजेपी के सूपड़ा साफ कर दिस हे।  अब तक ताजा रुझान अउ नतीज म  कांग्रेस 65 सीट म बने हुए हे। जबकि बीजेपी 20 सीट ले कम म सिमटत नजर आवत हे। इहां सरकार बनाए बर जादूई आंकड़ा 46 के हे।