दर्जनभर ले जादा अफसर मन के  कुर्सी खतरा म

भाजपा एजेंट के रूप म काम करइया उपर कार्रवाई तय

रायपुर। प्रदेस म कांग्रेस के सरकार बनत ही भाजपा सरकार के बेरा ले जमे अधिकारी अउ एकाधिकार चलाइया अधिकारी मन के हाथ-पइर फूलन लगे हे। ए दर्जनभर ले  जादा सासकीय अफसर अपन कुर्सिी ल खतरा म  देखत हे।

राज्य के सासकीय विभाग म  ए दिन म चरचा के विषय बने हुए हे, के  भाजपा के सासनकाल म जे अफसर मन ह एकतरफा काम करिन, अपन जुम्मेदारी मन ल  बचत रहिन अउ भाजपा के एजेंट मन के रूप म काम करत रहिन हे।  अब एमन कार्रवाई होना तय माने जात हे।

राज्य म विधानसभा चुनाव के पहिली घलो प्रदेस कांग्रेस के नेतामन ह राज्य के अइसे चुनिंदा अफसर मन ल आगाह  करे रहिन हे के उमन अपन हरकत मन ले बाज आवय। अउ ईमानदारी ले अपन कर्तव्य मन के पालन करय।  अन्यथा कांग्रेस के सरकार बनत ही अइसन अफसर मन उपर वैधानिक कार्रवाई करे जाही।