त सिंहदेव बनही मुख्यमंत्री..…राहुल के नजर शक्ति एप म …कार्यकर्ता मन के रायशुमारी

 रायपुर। प्रदेश म बहुमत के बाद पार्टी म मुख्यमंत्री के नाम ल लेके बुधवार ले माथापच्ची चलत हे। प्रदेस कांग्रेस अध्यक्ष भूपेश बघेल अउ टीएस सिंहदेव सीएम दउड़ म सबले आघू चलत हे। बताया जात हे के  शक्ति एप के जरिए कार्यकर्ता मन ल  फीडबैक ले गेहे के  का ला मुख्यमंत्री बनाय जाए। एमा सबले  जादा वोट टी एस सिंहदेव ल पड़े हे। अगर राहुल  कर्यकर्ता मन के सुनही त सिंहदेव मुख्यमंत्री बन जाही।  

थोड़कन देर म राहुल गांधी छत्तीसगढ़ के नवां मुख्यमंत्री के नाम के ऐलान करही।  एखर बर राष्ट्रीय कांग्रेस मुख्यालय म बइठक जारी हे। बइठक म पूर्व राष्ट्रीय अध्यक्ष सोनिया गांधी सामिल हे। मुख्यमंत्री  पद बर भूपेश बघेल अउ टीएस सिंहदेव के नाम  म मंथन चलत हे।

मिले जानकारी म कांग्रेस अध्यक्ष राहुल गांधी ह खुद शक्ति एप के जरिए तीन लाख कार्यकर्ता मन ल टटोलात हवय। बताए जात हे के शक्ति एप के जरिए कार्यकर्ता मन ले फीडबैक ले गेहे, के का ला मुख्यमंत्री बनाए जाए अउ एमा सबले जादा वोट टीएस सिंहदेव के लिए पड़े।

कांग्रेस ह छत्तीसगढ़ के 90 विधानसभा सीट मन  म 68 मिले हे। बहुमत के बाद पार्टी म मुख्यमंत्री के नाम ल लेके बुधवार ले माथापच्ची चलत हे। प्रदेश कांग्रेस अध्यक्ष भूपेश बघेल अउ टीएस सिंहदेव सीएम बने  बर रेस म सबले आघू चलत हे।