सुबह  ले कड़ाके के ठंड…… 10 बजे धूप निकले म ठंड ले थोड़कन  राहत मिलिस  लोगन ल

रायपुर। शुक्रवार के बिहनिया ले  आसमान म घना कुहरा छाया रहिस हे। कुहरा रहे ले  बिहनिया लोगन ल कड़ाके के ठंड के सामना करना पड़िस। मउसम विभाग ह शनिवार के  बिहनिया घलो कुहरा रहे अउ  तापमान म गिरावट के संभावना जता हे। कुहरा ले यातायात बेवस्था घलो प्रभावित रहिस हे। सड़क मन म  वाहनों  के  के आवई-जवई  अबड़ कम रहिस हे, जेखर सेती लोगन ल परेसानी  उठाए बर पड़िस। लोगन हेडलाइट जलाके वाहन चलात दिखिस।  बिहनिया  करीबन दस बजे धूप निकले म लोगन ल  ठंड ले थोड़कन राहत मिलिस।