कुम्हारी, भिलाई अउ रायपुर ले राजनांदगांव जाए के हर राद्दा, चउक-चउराहा म लोगन मन भव्य स्वागत करिन रमन सिंह के

रायपुर/राजनांदगांव । रमन सिंह के कुम्हारी,भिलाई, रायपुर ले राजनांदगांव जाए के हर राद्दा, चउक चउराहा म भव्य स्वागत करे गिस। चुनाइ के बाद पहिली बार अपन निर्वाचन क्षेत्रराजनांदगांव पहुंचे रमन सिंह  ल देख कार्यकर्ताखुशी ले झूम उठिन। ए दउरान रमन सिंह खुद भाजपा के झंडा  ल हाथ म लेके लहरात नजर आइस।

विधानसभा चुनाव के बाद पहिली बार कार्यकर्ता मनन के बीच पहुंचे पूर्व मुख्यमंत्री डॉ. रमन सिंह के भाजपाई मन ह भव्य स्वागत करिन। उहें उंखर निर्वाचन क्षेत्र राजनांदगाँव म पूर्व मुख्यमंत्री रमन सिंह ल देख के कार्यकर्ता मन के  ख़ुशी के ठिकाना नइ रहिस।  उत्साहित कार्यकर्ता मन ह सड़क म डोल नगाड़ा के संग नारेबाजी करत हुए रमन सिंह के स्वागत  करिन।  कार्यकर्ता मन ह  रमन सिंह जिंदाबाद  अउ ‘हम तुम्हार संग हन’ के नारा लगाइस।

भाजपा कार्यालय पहुंच के बाबा घासीदास के चल चित्र म माल्यार्पण घलोक करिन। रमन सिंह ह कहिन के विधानसभा म हार मिले हे, लेकिन आवइया  लोकसभा चुनाव म 11 म ल 11 सीट जीत कर लाबो अउ केन्द्र म भाजपा के सरकार बनाबो। उमन कहिन के कांग्रेस ले कड़ा मुकाबला करबो अउ जीत हासिल घलोक करबो। उमन गुरु घासीदास बाबा के जयंती के अवसर  म प्रदेश वासी मन ल बधाई देवत हुए विधानसभा चुनाव म प्रत्यक्ष अउ अप्रत्यक्ष रूप ले सहयोग देवइया कार्यकर्ता अउ पदाधिकारी मन ल धन्यवाद देवत हुए चुटकी लेत कहिन के आप लोगन आज अइसे स्वागत करे हव जे पाछु के 15 बरिस म अइसन स्वागत नइ होय रहिस हे।