कोरबा। प्रदेस म भाजपा के सत्ता पलटे के बाद ले सियासी गलियार मन के रंग बदल हुए नजर आवत हे। अब तक कांग्रेस म आपसी मतभेद के माहउल देखे जात रहिस हे, लेकिन अब भाजपा म घलो मतभेद के खबर मन आघू आवत हे। दरअसल पूर्व गृहमंत्री ननकी राम कंवर ह एक बड़े बयान दिस हे। उंखर ए बयान के बाद ले भाजपा खेमा म खलबली मच गेहे।
ननकी राम कंवर ह सोमवार बिहनियां मीडिया ले चर्चा करत कहिन के उमन छत्तीसगढ़ म विधानसभा नेता प्रतिपक्ष बर दावेदारी करत हवय। डॉ. रमन सिंह पाछू 15 बछर ले मुख्यमंत्री रहिन हे अउ अब नेता प्रतिपक्ष बर दावेदारी करत हवय। अइसना करना उमन ल शोभा नइ देत हे।
बीते दिनमन म पूर्व सीएम डॉ. रमन सिंह दिल्ली प्रवास म रहिन हे, ए दउरान उमन पार्टी के सबो बड़े नेता मन ले मुलाकात करिन। एखर बाद ले ए कयास लगाए जात हे के डॉ. रमन सिंह नेता प्रतिपक्ष बर दावेदारी करत हवय अउ एखर सेती उमन लगातार दिल्ली के दउड़ लगावत हवय।
Next
December 31, 2018
अभनपुर नगर पंचायत सीएमओ ह रिश्वत लेवत पकड़ाइस
Previous
December 28, 2018
नवा बछर बर लेख… नवा बिहान के आस
