दवा कारोबारी मन म पड़िस फूट…. बनिस 3 पैनल

रायपुर। रायपुर दवा करोबारी मन के जिला संगठन के चुनाव 6 जनवरी के होवइया हे।  एला लेके दवा व्यापारी मन म फूट पड़ गेहे। अब दू के जगा तीन पैनल बन चुके हे अउ विवाद बढ़त हवय। एकता पैनल के व्यापारी मन ह संकल्प पैनल बना ले हे  जेखर सेती अब दू के जगा तीन पैनल बन चुके हवय।

नवां अध्यक्ष के चुनाव ल लेके मचे हे घमासान

बता दन के  दवा कारोबारी मन के  जिला संगठन के कार्यकाल पूरा होय के संग  ही अब कारोबारी मन के बीच नवां अध्यक्ष बर घमासान सुरू होगे हे। डिस्ट्रिक केमिस्ट ड्रगिस्ट एसोसिएसन (डीसीडीए) के नवां अध्यक्ष चुने बर अब 6 जनवरी के मतदान होही।  एसोसिएसन के 1175 सदस्य मन ह नवां कार्यकारिनी बर वोट डालही। नामांकन के प्रक्रिया पूरा होय के बाद मुख्य छह पद बर  18 उम्मीदवार मइदान म हे। चुनाव अधिकारी मन एखर सूची घलो जारी कर दे हे।