रायपुर। छत्तीसगढ़ म कांग्रेस के नवां सरकार बने के बाद बदलाव के दउर जारी हवय। इहीं क्रम गुरुवार के देर रात बड़े प्रसासनिक बदलाव करे गिस। एमा 6 आईजी अफसर के तबादला कर देय गिस। आनंद छाबड़ा ल रायपुर रेंज के IG बनाय गेहे।
रतनलाल डांगी ल दुर्ग रेंज के प्रभारी पुलिस महानिरीक्षक बनाय गिस हे। उहें जीपी सिंह ल PHQ पुलिस महानिरीक्षक, IG एसआरपी कल्लूरी ल EOW अउ ACB रायपुर के जुम्मेदारी सउपे गिस हे।
दीपांशु काबरा ल PHQ पुलिस महानिरीक्षक अउ अरुणदेव गौतम ल गृह, जेल अउ परिवहन मंत्रालय के सचिव के कमान सउपे गेहे। कुल मिलाके ए बदलाव म कल्लूरी ल महत्वपूर्ण जुम्मेदारी दी गेहे। अउ उमन फेर पॉवरफूल हो गेहे।
Other Articles
Next
Previous
