578 वोट ले नगर पालिका म बच गिस कांग्रेस के आशा……25 म ले सात मतदान केंद्र म मिले एकतरफा वोट

रतनपुर म राइट टू रिकॉल के पहिली चुनाव…

बिलासपुर। रतनपुर नगर पालिका परिषद अध्यक्ष बर राइट टू रिकॉल चुनाव म कांग्रेस अउ भाजपा के 13 पार्षद मन के एकजुटता घलो वर्तमान अध्यक्ष आशा सूर्यवंशी ल नइ हटा सकिस। 15 वार्ड म होए चुनाव म सुरूआती दउर म पिछड़े के बाद आशा ह लगातार बढ़त बनात हुए 578 मत ले  जीत हासिल करिस।

गुरुवार के रतनपुर नगर पालिका परिषद अध्यक्ष के चुनाव म नतीजा जाने बर आज नूतन हाईस्कूल के आघू लोगन के भीड़ लगे रहिस हे। बिहनिया 9 बजे ले सुरू होए मतगणना के पहिली ही भीड़ काउंटिंग स्थल के आघू जुटे लगिस।  छह राउंड तक कुल 25 मतदान केंद्र म होय मतगनना 1015 बजे समाप्त हो गिस।  सड़क के एक ओर खाली कुर्सी के समर्थक मन के भीड़ रहिस हे त दूसर कोती भरे कुर्सी के समर्थक मन के भीड़ रहिस हे।

सुरू के तीन राउंड म 300 वोट ले पाछू रहिस हे पालिका परिषद अध्यक्ष

सुरूआती तीन राउंड तक नगर पालिका परिषद अध्यक्ष 300 वोट ले पिछड़ रहिस हे।  लेकिन एखर बाद सात मतदान केंद्र म पड़े एकतरफा वोट ले उंखर बढ़त आखिरी तक बरकरार रहिस। उतार चढ़ाव के दउरान दूनों पक्ष के उत्साह घलो नजर आइस। नतीजा आइस त आशा ल हटाए के इच्छा रखइया चेहरा उदास हो गिस।  नतीजा आए के  आघू के 11 महीना बर आशा के अध्यक्ष बने रहिना तय हो गिस।