विपक्ष   ह करिस सदन म जमके हंगामा…. उठाइन गलत परंपरा सुरू करे के मुद्दा

रायपुर । छत्तीसगढ़ विधानसभा के सीतकालीन सत्र के तीसर दिन विपक्ष ह सदन म बेवस्था उपर प्रस्न उठाइन। राज्यपाल के अभिभासन प्रस्तुत होय के बाद अनुपूरक म चरचा कराए जाने ल गलत बताइस। उहें बीजेपी विधायक शिवरतन शर्मा ल अध्यक्ष के चुप कराए ले विपक्ष ह सदन ले वॉकऑउट  कर दिस ।

 विधानसभा के कार्यवाही म मंगलवार के सदन सुरू होत ही विपक्ष ह हंगामा कर दिस। विपक्ष ह अनुपूरक बजट म चरचा के जमके विरोध करिन।  अध्यक्ष चरणदास महंत ह शिवरतन शर्मा ले कहिन के विसेषाधिकार म बोले के अनुमति आप ल नइ दे गेहे, आप बइठ जावव, जेखर बाद भाजपा  ह विधायक शिवरतन शर्मा के अपमान के बात नइ सहेंगे कह हुए सदन ले वाक आउट कर दिस। एखर पहिली विपक्ष ह तर्क देय के ए सदन म गलत परंपरा के सुरुआत होवत हे। पहिली राज्यपाल के अभिभासन म चरचा होना चाही।  विपक्ष ह अनुपूरक बजट म चरचा ल रोके के मांग करिन। 10 हजार करोड़ ले जादा के ए बजट राज्य के इतिहास म अब तक के सबले बड़े अनुपूरक बजट हवय। एमा किसान मन के कर्ज माफी समेत कई मुद्दा सामिल हे।