दीपा मेश्राम ल मिसेज इंडिया के खिताब

रायपुर। देहरादून म आयोजित मिसेज इंडिया स्परधा म भिलाई के दीपा मेश्राम ल खिताब मिलेहे । दीपा 7 जनवरी के रायपुर प्रेस क्लब पहुंचिन, इहां उमन पत्रकार मन ल बताइन के मन म दृढ़ इच्छा सक्ति हो अउ आप मन के लक्ष्य तय हवय त आपमन ल मंजिल तक पहुंचे म कोनो नहीं रोक सकय।  दीपा ह अदा फाउंडेसन द्वारा आयोजित मिसेज इंडिया प्रतियोगिता म हिस्सा लिन अउ  खिताब घलो जीतिस। दीपा ह बताइस के भविष्य म वो ह समाज सेवा ले जुड़ के कार्य करही। इहां तक पहुंचे म दीपा ल पारिवार के सपोर्ट बहुत मिलिस हे। ए मउका म  प्रेस क्लब अध्यक्ष समेत अन्य सदस्य मन ह मिसेज इंडिया दीपा मेश्राम के सम्मान करिन।