सीबीआई उपर प्रतिबंध…… रमन के बार, सीबीआई ले डरथे  भूपेश ह ….  बघेल के पलटवार,  ….. वो ह सीबीआई ले का डरही

रायपुर। छत्तीसगढ़ म सीबीआई ल जांच करे अउ छापा मारे म प्रतिबंध लगाए के मामला म  भाजपा और कांग्रेस  ह आमने- सामने हो गेहे।  पूर्व सीएम रमन ह कहिन के सीएम भूपेश बघेल सीबीआई ले बुरी तरह ले डरे हवय ,  एखर सेती प्रतिबंघ लगाइस हे. उहें सीएम भूपेश बघेल ह  पलटवार करत हुए कहिन के मोला  मउत ले डर नइ लगय ।  जे मउत ले नइ डरय वो ह सीबीआई ले का डरही।

सीबीआई ले बुरी तरह ले डर हुए हे भूपेश बघेल

रमन के कहिना हे के  मुख्यमंत्री भूपेश बघेल के ए फइसला ल उंखर डर के पता चलत हवय। आघू रमन  ह कहिन के सीएम भूपेश बघेल सीबीआई ले बुरी तरह ले डरे हुए हे। रात-दिन उमन ल सीबीआई के ही ख्याल आवत हे। एहीं वजह हे के उमन ह सीबीआई ल छत्तीसगढ़ म बैन करे बर जात हे।

बता दन के मुख्यमंत्री भूपेश बघेल के अगुवाई वाले छत्तीसगढ़ सरकार ह केंद्रीय गृह मंत्रालय अउ कार्मिक मंत्रालय ले सीबीआई ल राज्य म कोनो नया मामला दरज नइ करे के निरदेस दे के मांग करत हुए पत्र लिखे गेहे।  जे मा पूर्व मुख्यमंत्री रमन सिंह ह अपन  प्रतिक्रिया दीस हे।

जे मउत ले नइ डरय  त सीबीआई ले का डर ही

एती रमन के प्रतिक्रिया  आए के बाद मुख्यमंत्री भूपेश बघेल ह पलटवार करिस हे । सीएम भूपेश के कहिना हे के  मोला मउत ले डर नइ लगय।  जे मउत ले नइ डरय  वो ह सीबीआई ले का डरही। भूपेश ह रमन ल घेरते हुए कहिन के, बीजेपी ह पहिली ले सीबीआई के हस्तक्षेप म अनुसंसा करे रहिस हे।  आज विरोध करत हे।