राजनांदगांव म लइका मन के संरक्षन के दिसा म बिसेस अभियान चलाए जात हे

राजनादगांव।  जिला बाल संरक्षन के बिसेस अभियान के तहत चाइल्ड लाइन के टीम ह कार्रवाई करिस। जेमा टीम ह अलग अलग जगह म कार्रवाई करत सहर के शीतला मंदिर परिसर म भीख मांगइया चार महिला के रेस्क्यू करिस। संग ही छापामार कार्रवाई करत हाइवे म संचालित ढ़ाबा म काम करत नाबालिग लइका मन ल घलो बरामद करिस। फिलहाल जम्मो झन ल बालक कल्याण समिति के समक्ष काउंसलिंग म पेस करके सखी वन स्टॉप म राखे गए हे। उहें चाइल्ड लाइन के जिला अधिकारी ह बताइस कि 1 मई ले 15 मई तक लइका मन के संरक्षन के दिसा म बिसेस अभियान चलाए जात हे, जेकर तहत बाल श्रमिक मन के संग ही नसा करइया लइका मन के पहचान करिन। किशोर न्यायालय अधिनियम के तहत संरक्षन के मुहीम चलाए जात हे अऊ पकड़े गए जम्मो लोगन मन ल पुछताछ करके बिभागीय कार्यवाही करे के बात कहे जात हे।