नवां रायपुर घुमाए  बहाना  म ऑटो चालक ह छात्रा ले करिस दरिंदगी, दू झन आरोपी गेरफ्तार

रायपुर। महिलामन के अस्मत ले  आए दिन खिलवाड़ होवत हे।  राजधानी म एक छात्रा के इज्जत ल  तार-तार करे जाए के मामला आघू आइस हे। एक ऑटो चालक ह अपन साथी के संग मिलके छात्रा के संग  दुष्कर्म करिन।

आरोपी ऑटो चालक के नाम लवकुश उरफ प्रदीप गुप्ता हे।  प्रदीप ह अपन दोस्त विजय के संग 11वीं के छात्रा ल घुमाए बर  नवां रायपुर ले गिस हे अउ उहां सूनसान इलाका म उंखर संग दूनों झन दुष्कर्म करिन। एखर बाद आरोपी लड़की ल वापिस ओखर घर छोड़के भाग निकलिस।

लड़की ह घटना के जानकारी अपन परिजन मन ल दीस।  पीड़िता के सिकायत म सिविल लाइन पुलिस ह आरोपी प्रदीप अउ विजय ल गेरफ्तार कर ऑटो ल जब्त कर लिस हे।