संजू गुप्ता………
कवर्धा। पण्डरिया थाना अन्तरगत ग्राम कांपादाह म रहइया कमलेश साहू के सूना मकान ले मध्यरात्रि के चोर घर म रखे 16 लाख नगदी अउ कुछु गहना मन ल उड़ीस। कमलेश ह पण्डरिया थाना म रिपोर्ट दर्ज करा देहे। पुलिस आरोपी मन के तलास म जुट गिस।
पुलिस अधिकारी नरेन्द्र बेन्ताल ले मिले जानकारी म गांव म रहइया कमलेश साहू अपन पत्नी के इलाज बर बाहिर गे रहिस हे। इहीं दउरान चोर रात म सूना मकान म घुसिन अउ घर म रखे अलमारी ल घर के बाहिर निकालिस अउ उमा रखे 16 लाख नकदी अउ कुछु गहना मन ल पार कर दिस अउ अलमारी ल घर के पाछू छोड़ के भागिन। बिहनिया जब कमलेश वापिस लउटिस त अपन घर के हालत देख उंखर होस उड़ गे। घर के सामान बिखरे हुए रहिस हे। संग ही घर म रखे अलमारी घलो गायब रहिस हे।
कमलेश ह कुछु दिन पहिली ही अपन जमीन बेचे रहिस हे। जेखर ले मिले नकदी लगभग 15 लाख 34 हजार ल उमन घर के अलमारी म सुरक्षित रखे रहिस हे। संग ही आलमारी म उंखर कुछु गहना मन रखे रहिस हे, जेला चोर मन ह हाथ साफ कर दिस।
Other Articles
Next
Previous
