प्रदेस म पांच महिला जनप्रतिनिधि करही ध्वजारोहन…  कांग्रेस के महिला ससक्तिकरन  ल  प्रमुखता देय म  होवत हे चहुंओर प्रसंसा

बिलासपुर म तखतपुर विधायक रश्मि सिंह त मुंगेली म जिला पंचायत अध्यक्ष कृष्णा बघेल करही  ध्वजारोहन

बिलासपुर । कांग्रेस के सरकार बने के बाद राज्य म पहिली बार पांच महिला जनप्रतिनिधि ध्वजारोहन करही।  महिला ससक्तिकरन ल बढ़ावा दे बर  कांग्रेस के  ए पहल के प्रदेस भर म प्रसंसा होवत हे। प्रदेस के बिलासपुर म रश्मि आशीष सिह पुलिस स्टेडियम , मुंगेली जिला म  जिला पंचायत अध्यक्ष कृष्णा बघेल ध्वजारोहन करही। अइसने महिला अउ बाल विकास मंत्री श्रीमती अनिला भेड़िया बालोद,  कोरिया म श्रीमती अम्बिका सिंहदेव अउ धमतरी म डॉ. लक्ष्मी ध्रुव ध्वजारोहन करही।

प्रदेस के 27 जिली मन म आगामी 26 जनवरी के ध्वजारोहन करइया नेतामन के सूची जारी करे देय गेहे।  प्रदेस के बिलासपुर म रश्मि आशीष सिह पुलिस स्टेडियम, मुंगेली जिला म  जिला पंचायत अध्यक्ष कृष्णा बघेल ध्वजारोहन कर गनतंत्र दिवस के परेड के सलामी लेही।  निश्चित रूप ले परदेस के आधा आबादी ल बहुत बड़ सम्मान मिलत हे। सरकार के महिला मन के प्रति नजरिया ल जाहिर करत हवय। अब ए दउर महिला ससक्तिकरन के हे।

पहिली बेर महिला मन ह करही ध्वजारोहन

 जब महिला मन ह जमीन ले लेके आसमान तक वर्चस्व बनावत हे उहें कांग्रेस सरकार के ए सराहनीय पहल  हवय।  गनतंत्र दिवस के दिन महिला मन ल ध्वजारोहम करत जब देखबो त पहली बार लोग मन म अलग उमंग अउ उत्साह देखे बर मिलही। जेखर अंदाजा अभु ले लगत हे।  बहरहाल  प्रसासन के गणतंत्र दिवस ल लेके  तइयारी अंतिम चरन म हे।  पहिली बेर परदेश के 5 मुख्य जगा म महिला मन ल  गनतंत्र दिवस म सलामी ले  के  संग  राज्यपाल के संदेस के वाचन करही।

विधायक रश्मि सिंह ह जताइस भूपेश अउ राष्ट्रीय अध्यक्ष के प्रति आभार

 तखतपुर विधायक रश्मि आशीष सिह ल बिलासपुर पुलिस लाईन म  ध्वजारोहन के जुम्मेदारी मिले म  सबले पहिली भूपेश अउ उंखर मंत्री मन अउ राष्ट्रीय अध्यक्ष के प्रति आभार व्यक्त करिस हे। उमन कहिन के निश्चित रूप ले ये महिला वर्ग बर  गौरव के बात हे। झण्डारोहण के जुम्मेदारी निश्चित तउर  म ए महिला म के सरकार के तरफ ले देय गे सबले बड़ तोहफा हे। ए कदम सराहनीय पहल हवय, जेमा महिला मन क सम्मान बर बड़ कदम हे।