सिंहदेव के मुख्य अतिथि म वार्षिकोत्सव अउ पुरस्कार वितरन कार्यक्रम संपन्न

सूरजपुर। पंचायत अउ ग्रामीन विकास, लोक स्वास्थ्य अउ कुटुंब कल्यान, चिकित्सा शिक्षा अउ वाणिज्यिक कर (जीएसटी) मंत्री टीएस सिंहदेव के मुख्य अतिथि म अउ स्कूल शिक्षा, अनुसूचित जाति/जनजाति/अन्य पिछड़ा वर्ग व अल्पसंख्यक कल्यान व सहकारिता विभाग के मंत्री डॉ. प्रेमसाय सिंह टेकाम के उपस्थिति म सूरजपुर जिला के ग्राम पंचायत सिलफिली के हायर सेकेण्डरी स्कूल के वार्षिकोत्सव, अभिभावक अउ पुरस्कार वितरन कार्यक्रम संपन्न होइस।

ए अवसर म कई ठन सांस्कृतिक अउ बौधिक गतिविधि मन के विजेता मन, राज्य स्तरीय अन्तर विद्यालय, राष्ट्रीय स्तर के खिलाड़ी मन, पाछू साल म अपन कक्षा मन म पहिली स्थान पवइया छात्र-छात्रा मन अउ कई ठन श्रेनी मन  म सर्वश्रेष्ठ छात्र-छात्रा मन ल प्रमाण-पत्र अउ ट्राफी प्रदान करके सम्मानित करे गीस। कार्यक्रम के सुभांरभ मुख्य अतिथि संग सबो अतिथि मन ह मां सरस्वती के फोटू म माल्यापरन करके दीप प्रज्वलित कर के करे करिन।

ए अवसर म मंत्री द्वय टीएस. सिंहदेव अउ डॉ. प्रेमसाय के आगमन म जगह जगह मोटरसायकिल रइली निकालके भव्य स्वागत करे गीस। कार्यक्रम म पूर्व विधायक लुण्ड्रा अउ कॉपरेटिव्ह बैंक के अध्यक्ष रामदेवराम, पूर्व विधायक भटगांव रजनी त्रिपाठी, विंकी बाबा, शैलेश, भुवन संग आन जनप्रतिनिधि, प्रभारी कलेक्टर संजींव कुमार झा, पुलिस अधीक्षक  मेघा टेम्भुरकर, मुख्य चिकित्सा अउ स्वास्थ्य अधिकारी डॉ. एस.पी. वैश्य, जनपद पंचायत सूरजपुर के मुख्य कार्यपालन अधिकारी वेदप्रकाश पाण्डेय, नायब तहसीलदार अमृता सिंह, जिला शिक्षा अधिकारी राजेशकुमार सिंह, राजीव गांधी शिक्षा मिशन के समन्वयक सुदर्शन अग्रवाल, साक्षर भारत के परियोजना अधिकारी  केपी दीक्षित, आरएमएसए के परियोजना अधिकारी अजय मिश्रा, सहायक परियोजना अधिकारी दिनेश कश्यप संग जिला स्तर अऊ जनपद स्तर के अधिकारी/कर्मचारी छात्र छात्रा मन, शिक्षक- शिक्षिका मन अऊ अभिभावक अउ बड़ संख्या म ग्रामीनजन उपस्थित रहिन। कार्यक्रम के शुरूवात म प्रभारी प्रचार्य नवीन जायसवाल कोति ले विद्यालय के वार्षिक प्रतिवेदन प्रस्तुत करे गीस। कार्यक्रम के संचालन शिक्षक शिवकुमार सिंह ह करिस।