कार्यकर्ता मन बूस्ट करे म जुट गेहे पूर्व मंत्री बृजमोहन अग्रवाल

कहिन के …..गम ल भूलाके  नवां सिरा ले जीवन सुरू करे के समय आ गेहे

रायपुर । एक कोती  जिहां बीजेपी प्रदेश अध्यक्ष ह पार्टी के हार के ठीकरा कार्यकर्ता मन उपर  फोड़िल उहें पूर्व मंत्री बृजमोहन अग्रवाल कार्यकर्ता मन ल बूस्ट करे म  लगे हुए हे। कार्यकर्ता मन के आभार जताए बर उमन एक कार्यक्रम के आयोजन करिन।  ए दउरान उमन ह कहिन के  ‘विधानसभा चुनाव म भारतीय जनता पार्टी के कारवां त लूट गेहे, लेकिन अइसन काबर होइस ए सोचे वाले बात हे’।

 90 विधानसभा सीट मन के नेता हव

विधानसभा चुनाव म पूरा प्रदे ल म भाजपा ल केवल 15 सीट ही हासिल होइस हे। अइसे म  भारतीय जनता पार्टी के नेता बृजमोहन अग्रवाल ह हार के बाद मायूस हो चुके कार्यकर्ता मन ल  जोस भरत हुए कहिन के , ‘मैं केवल रायपुर दक्षिन के नेता नो हव बल्कि प्रदेस के सबो 90 विधानसभा सीट म के नेता हव’। ए दउरान उमन कहिन के , ‘अब कार्यकर्ता मन के असली पहचान के बेरा हे काबर के अब जमीनी संघर्ष के संग विरोध करे अउ मुर्दाबाद के नारा लगाय के बेरा आ गेहे’। .

लोकसभा चुनाव के तइयारी म जुटगेन

बृजमोहन अग्रवाल ह मीडिया ले बात करत हुए कहिन के, ‘पार्टी म हार के गम रहिस हे, गम के कोनो भी कार्यक्रम  13 दिन या 40 दिन अर्थात चालीसवां तक मनाय जाथे अउ  40 दिन के बाद तमाम गम ल भूलके नवां सिरा ले जीवन सुरू करे के बेरा समय आ चुके हे।  लिहाजा अब हम लोकसभा चुनाव के तइयारी म जुटगे हन।