मुंगेली…. राऊत नाचा अउ शौर्य प्रदर्सन के बीच साहित्यकार अउ कवि मन के सम्मान

अहीर नृत्य कला महोत्सव अउ साहित्य सम्मान के आयोजन

नवनीत शुक्ला

मुंगेली। जिला के देवरहट (मुंगेली) अहीर नृत्य कला परिषद देवरहट  ह छेरछेरा पुन्नी  म अहीर नृत्य कला महोत्सव अउ साहित्य सम्मान के आयोजन करे गिस। जेमा राऊत नाचा अउ शौर्य प्रदर्सन के बीच डॉ. ए. कीर्तिवर्धन (बिहार), डॉ. दयानिधि सा- भुक्ता (उड़ीसा), गयाराम साहू कोटा अउ छत्तीसगढ़ी साहित्य समिति मुंगेली के जिला अध्यक्ष नंदराम यादव ‘‘निशांत’के शाल, श्रीफल, पागा-कलगी के संग अभिनंदन पत्र भेंट करे गिस। ए अहीर नृत्य कला महोत्सव  म विसाल जनसमूह  हाजिर रहिन हे।

            साहित्य सम्मान के पहिली छत्तीसगढ़ राजभाषा आयोग (छत्तीसगढ़ शासन) रायपुर के पूर्व अध्यक्ष डॉ. विनय कुमार पाठक के मुख्य आतिथ्य अउ आगर साहित्य समिति मुंगेली के अध्यक्ष डॉ. अजीज रफीक के संचालन म कवि गोष्ठी संपन्न होइस। जेमा  मुंगेली ले नंदराम यादव, महेन्द्र यादव, राकेश गुप्त ‘‘निर्मल, जगदीश प्रसाद देवांगन, संतोष वैष्णव, संजीव पाटिल, खेमेश्वरपुरी गोस्वामी, बिलासा कला मंच बिलासपुर के अध्यक्ष सुधाकर बिम्बे, चैतराम साहू, डॉ. ए. कीर्तिवर्धन, दयानिधि  साहू ह  अपन कविता मन ले इतिहास  ल बताइन।  कवि गोष्ठी म डॉ. मंतराम यादव, बुधराम यादव ह कार्यक्रम के विशिष्ट अतिथि कृष्ण कुमार भट्ठ पथिक, अध्यक्ष डॉ. ए. कीर्तिवर्धन, नंदराम यादव, भागीरथी यादव के सम्मान करिन।

27वां अहीर नृत्य कला महोत्सव समारोह के अध्यक्ष डॉ. विनय कुमार पाठक ह साहित्य अउ कला के समृद्ध परंपरा, नंदराम यादव ह सीमित संसाधन म बेहतर आयोजन अउ डॉ. दयानिधि साहू उड़ीसा  ह कार्यक्रम म छत्तीसगढ़ी लोक संस्कृति दरसन के बात कहिन। अंत म अहीर नृत्य कला परिषद के संस्थापक डॉ. मंतराम यादव ह आभार व्यक्त करिस।