किसान नेता योगेन्द्र यादव ह प्रेस से मिलिए कार्यक्रम म करिन पत्रकार मन ले चरचा

रायपुर। स्वराज इण्डिया पार्टी के राष्ट्रीय अध्यक्ष अउ जाने पहिचाने किसान नेता योगेन्द्र यादव आज रायपुर पहुंचिन। उमन रायपुर प्रेस क्लब म पत्रकार मन ल संबोधित करत हुए कहिन के  ए बेर लोकसभा चुनाव बाकी सबो चुनाव मन ले खास हे काबर के पहिली बेरअइसन हेवत हे के देस के किसान ए बेर चुनावी मुद्दा बनहे।

आज तक कोनो पार्टी ह किसान मन के हित ल मुद्दा नइ मानिस। बोफोर्स ले लेके 2 जी तक मुद्दा रहे हवय।  उहें पाछू  दू साल म किसान संगठन मन के मेहनत के असर ए होवत हे के किसान ए बेर के चुनाव म मुद्दा हवय। उमन कहिन के देस के दुर्भाग्य हे के देस के आघू मोदी अउ राहुल जइसे विकल्प हे, जे  देस के आघू कभु गांधी- नेहरु जइसे विकल्प रहिन हे। आज मोदी-राहुल जइसे नाम हे।