रायपुरवासी मन मिलिस  रेलवे ले ए नवां सउगात

रायपुर। राजधानीवासी मन ल रेलवे  ह गुरुवार के दू नवां सउगात दींस हे।  बता दन के बीजेपी सांसद रमेश बैस ह रायपुर के गुढ़ियारी म रेलवे बुकिंग अउ आरक्षन काउंटर के लोकापरन करिन हे। एखर संग सांसद ह मोवा म घलो रेलवे के अंडर ब्रिज के लोकारपन करिन। राजधानी रायपुर ले हर रोजेच 40 हजार ले जादा यात्री यात्रा करथे। एमा ले करीब 9 हजार ले जादा लोगन आरक्षन टिकट लेके अपन-अपन गंतव्य मन के ओर रेंगथे।

बहरहाल, इहीं करम म गुरुवार के बीजेपी के सांसद रमेश बैस के मुख्य अतिथ्य म विधायक कुलदीप जुनेजा, विधायक विकास उपाध्याय अउ महापौर प्रमोद दुबे के संग मण्डल रेल प्रबंधक कौशल किशोर के उपस्थिति म दूनों विकास कार्य मन के सउगात देय गिस। बीजेपी सांसद बैस  ह कहिन के, लंबा इंतजार के बाद गुढ़ियारी म रेलवे बुकिंग ऑफिस अउ मोवा म घलो रेलवे के अंडर ब्रिज के लोकारपन करे गे हे।

बता दन के गुढ़ियारी म करीब 70 लाख रुपिया के लागत ले आरक्षन काउंटर तइयार करे गिस हे। उहें अंडर ब्रिज म करीब 4 करोड़ 76 लाख रुपिया के लागत आइस हे।  उहें  ए मउका म मण्डल रेल प्रबंधक ह यात्री मन ल टिकट दलाल मन ले मुक्ति मिले के बात घलो कहिन ।  मंडल रेल प्रबंधक कौशल किशोर ह कहिन के, एखर ले यात्री मन ल काफी सहुलियत मिलही। लोगन ल टिकट बर दलाल मन के चक्कर नइ लगाए बर पड़य।